Laugardaginn 13. maí er komið að fjórðu fjölskyldustund Náttúrufræðistofu Kópavogs og nú verður sjónum beint að fuglum í Kópavogi.
Dagskráin hefst á Náttúrufræðistofunni kl. 13 þar sem færi gefst á að skoða uppstoppaða fugla í nágvígi og átta sig þannig á útliti þeirra og helstu einkennum. Þá verður gengið niður að Kópavogi og skimað eftir fuglum í fjörunni, en einnig er velkomið að mæta beint í voginn þar sem háfjara verður kl 13:50.
Viðburðurinn er ókeypis og eru allir velkomnir
