Sumarlesturinn 2025 er í fullum gangi, en í ár fengum við Ævar Þór Benediktsson í heimsókn til að setja hann af stað. Ævar las upp úr glænýrri bók sinni og hvatti börnin til að lesa í sumar.
Sumarlesturinn er hugsaður fyrir börn á aldrinum 5-12 ára til að þau missi ekki dampinn heldur haldi lestrinum inni yfir sumartímann.
Sumarlesturinn í ár hönnuðu Blær Guðmundsdóttir og Eva Rún Þorgeirsdóttir. Börnin fá sitt eigið vegabréf með landakorti Terra Gallina og leggja þar í svaðilför ásamt Lindu landnámshænu. Þau lesa að minnsta kosti 15 mínútur á dag og merkja þá við, en í fjórða hvert sinn sem þau lesa geta þau fengið afhendan happamiða á bókasafninu og fara þá í pott sem dregið er úr mánaðarlega.
Sumarlesturinn er unninn í samstarfi við Mistöð menntunar og skólaþjónustu, Borgarbókasafnið, FFÁS, SFA og fleiri aðila. Nánari upplýsingar má finna á www.sumarlestur.is.
