Forritarar í fyrsta bekk?

Frá og með laugardeginum 27. janúar hefjast mánaðarleg forritunarnámskeið á Bókasafni Kópavogs fyrir krakka á aldrinum 6-12 ára.
„Við erum að hefja samstarf við Kóder, sem eru félagasamtök um forritunarkennslu,“ segir Bylgja Júlíusdóttir, deildarstjóri á Bókasafni Kópavogs. „Þessi námskeið verða í boði síðasta laugardaginn í hverjum mánuði á aðalsafni og þar verður kennd forritun á iPad.“
Margir nemendur í grunnskólum bæjarins hafa fengið afhentar iPad tölvur í skólanum og Bylgja segir upplagt fyrir þá að hafa tölvurnar sínar með sér á námskeiðin. Þeir sem ekki hafa aðgang að spjaldtölvunum geta engu að síður mætt á námskeiðin og fengið lánaðar tölvur á staðnum.
„Hugmyndin er sú að þau læri forritun í gegnum leik,“ segir Bylgja. „Það er notað forrit sem heitir Hopscotch sem er mjög sjónrænt. Þar prófa þau sig áfram með því að raða saman skipunum sem líta út eins og kubbar og afrakstur tilraunarinnar sést strax á skjánum. Þetta kennir þeim grunnhugmyndirnar í forritun þó að forritunarmálið sé ekki hefðbundinn kóði, heldur líkara LEGO-kubbum.“
Bylgja segir að hugsjón Kóder-samtakanna sé sú að kveikja neista fróðleiksfýsnar hjá nemendum í gegnum leik. „Það er miklu skemmtilegra að afla sér þekkingar af því mann langar til þess heldur en af því einhver sé að mata mann á henni.“
Námskeiðin verða kl. 11:30 og ekki þarf að skrá sig á þau.
Áður birt í Kópavogspóstinum.

Deildu þessari grein

TENGDIR
VIÐBURÐIR

02
Feb
11
Feb
Salurinn
20:30

Katrín Halldóra

07
Feb
Salurinn
20:00

Öskubuska og Hnotubrjóturinn

08
Feb
Salurinn
12:15

Óperudagurinn

08
Feb
Bókasafn Kópavogs
14:00

Hannyrðaklúbburinn Kaðlín

08
Feb
Bókasafn Kópavogs
16:00

Bókmenntaklúbburinn Hananú!

11
Feb
Bókasafn Kópavogs
13:00

Origamismiðja

15
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

15
Feb
Héraðsskjalasafn Kópavogs
10:30

Myndgreiningarmorgunn

15
Feb
Bókasafn Kópavogs
14:00

Hannyrðaklúbburinn Kaðlín

16
Feb
Salurinn
20:30

Friðrik Dór & Jón Jónsson

16
Feb
Bókasafn Kópavogs
10:00

Lengi býr að fyrstu gerð

18
Feb
Bókasafn Kópavogs
10:30

Æfingin skapar meistarann

Sjá meira

NÝJUSTU FRÉTTIR