Bókasafn Kópavogs fagnar 65 ára afmæli með kaffi og súkkulaði, 10% afsláttur úr safnbúðinni og bæjarstjórinn rifjar upp uppáhaldsbækurnar.
Bæjarstjóri rifjar upp uppáhaldsbækurnar
Bókasafn Kópavogs verður 65 ára fimmtudaginn 15.mars. Í tilefni dagsins mun Ármann Kr. Ólafsson, bæjarstjóri, ræða uppáhaldsbarnabækurnar sínar, hvað var lesið fyrir hann barnungan og hvaða bækur hrifu hann sem ungan dreng og ungling á Amtsbókasafninu á Akureyri.
Að loknu spjalli Ármanns hefst leiðsögn Guðfinnu Mjallar Magnúsdóttur hönnuðar um sýninguna Áhrifavaldar æskunnar þar sem barnabókum síðustu 100 ára er stillt upp. Viðburðurinn hefst klukkan 12.15.
Um Bókasafn Kópavogs:
Bókasafn Kópavogs var stofnað þann 15. mars árið 1953 þegar Lestrarfélags Kópavogs hélt sinn fyrsta fund. Síðar breyttist það í Bókasafn Kópavogs. Lestrarfélagið var stofnað af bókelskum íbúum Kópavogs, sem þá var að byrja að byggjast. Þessi framtakssemi og þessi metnaður sem þá var sýndur hefur nú verið safninu leiðarljós í 65 ár.
Enn þykir okkur á safninu mikilvægt að tryggja aðgengi bæjarbúa að fróðleik og bókmenntum við allra hæfi, en ekki síður er nú mikilvægt að við getum boðið bæjarbúum upp á fjölbreytta viðburði og aðlaðandi aðstöðu hérna á safninu. Markmið okkar á Bókasafni Kópavogs er að safnið sé heimili að heiman; notalegur staður þar sem hægt er að slappa af, endurnærast og dveljast hluta af degi.
07
jún
Gerðarsafn
