Fjöruferð í Kópavoginn

Síðastliðinn laugardag var boðið upp á fjöru- og fuglaskoðunarferð í Kópavoginn. 
Starfsfólk Náttúrufræðistofunnar var til taks á staðnum með öfluga sjónauka og greiningarbækur og leiðbeindi gestum viðburðarins um notkun þeirra. Hátt í 30 manns á öllum aldri mættu og nutu útiverunnar ásamt því að fræðast um það sem fyrir augu bar. Starfsfólk stofunnar þakkar gestum fyrir komuna og skemmtilega stund.
Viðburður af þessu tagi hefur í nokkur ár verið fastur liður að vori þegar von er á far- og umferðafuglum á borð við margæsir, en einnig að hausti þegar fuglar eru komnir í vetrarbúning.  Ljóst er að þessir viðburðir eru að festa sig í sessi. 
Viðburðurinn var liður í Fjölskyldustundum Menningarhúsanna sem fara fram á hverjum laugardegi gestum að kostnaðarlausu.