Sturlungar, húllahringir og heklunálar

Það hefur verið mikið um að vera á Bókasafni Kóapvogs síðustu vikur.
„Skipulögð dagskrá minnkar mikið hjá okkur á sumrin,“ segir Lísa Z. Valdimarsdóttir, „en það er nóg að gera núna í vor.“
Um síðustu helgi kom Húlladúllan, en það er sviðsnafn Unnar Maríu Máneyjar sirkuslistakonu, á fjölskyldustund á aðalsafni. Opinmynnt fylgdust börnin með kúnstum hennar með húllahringinn og fengu svo tækifæri til að spreyta sig sjálf.

Fullt var út úr dyrum á safninu fyrr í mánuðinum þegar Einar Kárason mætti til leiks í hádegiserindaröð Menningarhúsa Kópavogs, Menningu á miðvikudögum. Einar var kominn á staðinn til þess að fjalla um Sturlungaöldina og bækurnar sem hann hefur skrifað sem takast á við viðburði tímabilsins. Einar var í fantaformi, en stutt er síðan hann frumsýndi endursögn sína á Grettissögu í Söguloftinu í Landnámssetrinu á Borgarnesi. Fáum dögum síðar bárust fréttir af því í fjölmiðlum að óútkomin skáldsaga hans, Stormfuglar, hefði gert garðinn frægan á bókamessunni í London, en bókin er væntanleg í maímánuði.
  
Einnig hefur færst í vöxt á safninu að þeir hópar sem þar hittast bjóði gestum á fundi sína. Þannig hafa þær Vilborg Davíðsdóttir, Vilborg Dagbjartsdóttir og Kristín Jóhannsdóttir komið til fundar við bókmenntaklúbbinn Hananú og hannyrðaklúbburinn Kaðlín hefur boðið til sín Ásdísi Jóelsdóttur, höfundi bókarinnar Íslenska lopapeysan, Tinna Þórudóttir Þorvaldar, höfundar heklbókanna Þóra, María og Havana kenndi grunnatriði í mósaíkhekli og í apríl kenndi Elín frá Handverkskúnst klúbbfélögum að hekla ungbarnateppi úr þáttunum Sækið ljósuna.
Lísa segir nóg framundan. „Næsti gestur Kaðlínar kemur 16. maí, en þá verður kennt tvöfalt prjón. Síðustu tvö erindin um vorverkin verða 26. apríl og 3. maí og 5. maí er fjölskyldustund bæði á aðalsafni og Lindasafni – það verður bingó í Lindasafni kl. 11:30, krakkar geta lesið fyrir hunda á aðalsafni, það verður flugdrekasmiðja fyrir alla fjölskylduna milli eitt og þrjú og klukkan fjögur opnar svo ný myndlistarsýning á jarðhæðinni.“

Deildu þessari grein

TENGDIR
VIÐBURÐIR

02
Feb
11
Feb
Salurinn
20:30

Katrín Halldóra

07
Feb
Salurinn
20:00

Öskubuska og Hnotubrjóturinn

08
Feb
Salurinn
12:15

Óperudagurinn

08
Feb
Bókasafn Kópavogs
14:00

Hannyrðaklúbburinn Kaðlín

08
Feb
Bókasafn Kópavogs
16:00

Bókmenntaklúbburinn Hananú!

11
Feb
Bókasafn Kópavogs
13:00

Origamismiðja

15
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

15
Feb
Héraðsskjalasafn Kópavogs
10:30

Myndgreiningarmorgunn

15
Feb
Bókasafn Kópavogs
14:00

Hannyrðaklúbburinn Kaðlín

16
Feb
Salurinn
20:30

Friðrik Dór & Jón Jónsson

16
Feb
Bókasafn Kópavogs
10:00

Lengi býr að fyrstu gerð

18
Feb
Bókasafn Kópavogs
10:30

Æfingin skapar meistarann

Sjá meira

NÝJUSTU FRÉTTIR