Fjölskyldum gefst færi á að útbúa úr litríku filtefni sínar eigin útgáfur af þeim fallegu og fjölbreyttu lífverum sem leynast í töfraveröld undirdjúpanna. Fígúrurnar má svo færa úr stað á bakgrunninum sem býður upp á skemmtilegan leik.Aðgangur er ókeypis og allir velkomnir en vegna fjöldatakmarkana og fjarlægðarmarka verður smiðjunni skipt niður í tvö holl. Fyrri smiðjutíminn er því frá 13:00 til 13:50 og sá seinni frá 14:00 til 14:50. Föndursmiðjan er hluti af viðburðaröð Menningarhúsanna í Kópavogi, Fjölskyldustundir á laugardögum.
