Leitin að jólalegasta húsinu í Kópavogi er hafin og eru áhugasöm hvött til þess að senda inn ábendingu hér á vef Kópavogs fyrir 13. desember.
Lista- og menningarráð stendur fyrir leitinni og mun velja húsið á fundi sínum 15. desember.
„Það er mikil jólastemning í Kópavogi og tilhlökkunarefni að sjá hvernig íbúar skreyta og gera fallegt í kringum sig. Við í lista- og menningarráði viljum fá sem fjölbreyttastar tilnefningar um jólahús í bænum okkar og hvetjum öll til að senda inn ábendingu.“ segir Elísabet Sveinsdóttir, formaður Lista- og menningarráðs.
