Það má með sanni segja að Salurinn verður stútfullur af börnum þessa dagana en skólakór Kársnesskóla er í upptökum alla vikuna. Kórinn, undir stjórn Álfheiðar Björgvinsdóttur, er að taka upp íslenska barnakórtónlist sem verður gefin út með vorinu. Börnin eru á aldrinum 6-16 ára, úr öllum bekkjum Kársnesskóla. Meðleikarar eru Gunnar Gunnarsson á píanó og Örn Ýmir Arason á kontrabassa.
Kórahátíð Kársness verður svo haldin í Salnum þann 13. maí. Þá verður þétt kórtónleikadagskrá frá 11 um morguninn fram eftir degi.
