Í sumar býður Bókasafn Kópavogs unglingum að taka þátt í sumarlestri. Sumarlestur unglinga hefst 21. maí og lýkur 20. ágúst. Fyrir hverja bók sem lesin er eða hlustað er á má fylla út einn happamiða og setja í pott. Dregið verður mánaðarlega úr innsendum happamiðum og geta heppin unnið 10.000 kr. gjafabréf í Nexus.
Allar bækur eru gjaldgengar, líka rafbækur, hljóðbækur, fræðibækur og teiknimyndasögur og bækurnar mega vera á hvaða tungumáli sem er.
Bókasafnið hefur fengið nokkra þjóðþekkta einstaklinga og rithöfunda til liðs við sig sem munu hvetja unglinga áfram í sumarlestri á samfélagsmiðlum bókasafnsins.
Happamiða er hægt að fylla út rafrænt hér á heimasíðunni eða á pappír á aðalsafni og Lindasafni. Happamiða og happamiðabox er að finna í ungmennadeild aðalsafnsins á 3. hæð og á þjónustuborði Lindasafns.
