Hátíðarstemningin var í hámarki í og við menningarhúsin í Kópavogi laugardaginn 26. nóvember þegar aðventuhátíð Kópavogsbæjar var haldin. Vel var mætt á hátíðina og voru gestir verulega ánægðir með daginn.
Á aðventuhátíðinni var boðið upp á fjölbreytta dagskrá fyrir unga sem aldna. Fjölbreyttar jólasmiðjur, jólamarkaður, lifandi tónlist og notaleg aðventustemning kom gestum í jólaskap.
Jólaandinn náði svo hámarki þegar formaður bæjarráðs, Orri Vignir Hlöðversson, kveikti á ljósum jólatrésins ásamt Sölku Sól söngkonu og kórs Hörðuvallaskóla. Í kjölfarið mættu fjórir jólasveinar galvaskir og var yngsta kynslóðin virkilega ánægð með þá uppákomu. Dagurinn var verulega vel heppnaður í alla staða og tóku Kópavogsbúar fagnandi á móti aðventunni.
Myndir: Kópavogsbær/Leifur Wilberg
