Í kjölfar mannabreytinga og vegna þróunar í starfsemi stofunnar var á dögunum auglýst eftir verkefnastjóra. Óhætt er að segja að fjöldi umsókna hafi farið fram úr björtustu vonum.
Nokkrar mannabreytingar eru nú að eiga sér stað hjá Náttúrufræðistofunni. Í haust fluttist Þóra Hrafnsdóttir til Náttúruminjasafns Íslands vegna nýrrar sýningar í Perlunni þar sem vatn í náttúru Íslands er í fyrirrúmi. Eru Þóru þökkuð þau 15 ár sem hún starfaði hjá Náttúrufræðistofunni, þar sem margvísleg verkefni lentu á hennar könnu.
Á dögunum var svo auglýst eftir nýjum starfskrafti í nokkuð breytt starf. Á undanförnum misserum hefur samstarf Menningarhúsanna í Kópavogi nefnilega aukist mikið og þar með þátttaka í viðburðum sem eru bæði þvert á húsin en einnig á sérsviði hvers og eins. Starfinu mun því snúa meira en áður að viðburðastjórnun, heimsóknum hópa og almennu safnastarfi.
Umsóknarfrestur rann út þann 9. desember og bárust 73 alls umsóknir. Það verður því smá handleggur að fara yfir allar umsóknirnar, og niðurstöðu um ráðningu í starfið er því varla að vænta fyrr en í janúar 2019.
04
mar
Bókasafn Kópavogs
