Melkorka Gunborg vinnur að örverkaverkefninu Samtal í sumar. Markmiðið er að skrifa leiktexta – átta örverk sem unnin eru undir ólíkum formerkjum. Hvers kyns samskipti fólks verða í fyrirrúmi, þar sem samspil ólíkra persóna verður skoðað og tilraunir gerðar með mismunandi form, stíla, lengd samtala og fjölda persóna, allt frá fáránleika yfir í raunsæi.
Hér verða flutt tvö verk, leikarar eru Ingi Þór Þórhallsson, Katla Þórudóttir Njálsdóttir og Mímir Bjarki Pálmason.
Aðgangur ókeypis og öll hjartanlega velkomin.
Hansel og Gretel
Manstu Gréta, þegar við vorum Hans og Gréta? Þetta er eitthvað farið að skolast til.
Nú erum við Hansel og Gretel, en ekki í leikstjórn Gretu Gerwig.
Kannski var stjúpa bara með fæðingarþunglyndi. Gamla nornin var með heilabilun. Og pabbi? Hann var alltaf bara lying in bed worrying about his problems. Það passar sko ekki í Hero’s Journey.
Leikarar: Ingi Þór Þórhallsson og Katla Þórudóttir Njálsdóttir
Jesúbróðir besti
Og þá, þegar landið er tilbúið til vínberjatekju og sáningar munu tíu konur baka yður nýtt brauð úr gömlu súrdeigi. Tíu gellur! Tíu. Gellur. Að baka brauð! Fyrir ykkur! Bruuuuuuh.
Leikari: Mímir Bjarki Pálmason
Viðburðurinn er hluti af viðburðadagskrá Skapandi sumarstarfa í Kópavogi.
