Við höldum upp á 80 ára afmæli lýðveldisins með glæsibrag hér í Kópavogi. Söngsveitin Fílharmónía syngur ættjarðarlög í anddyri Salarins frá 13 til 13.30 og flytur þar meðal annars glænýtt lag Atla Ingólfssonar við ljóð Þórarins Eldjárn, Ávarp fjallkonunnar, sem samið var í tilefni lýðveldisafmælisins. Í Salnum verður hægt að nálgast bókina Fjallkonan. Þú ert móðir vor kær sem forsætisráðuneytið gefur út í ritstjórn Silju Aðalsteinsdóttur. Fullveldiskaka verður í boði á öllum hátíðarsvæðum.
Dagskrá 17. júní í Kópavogi
Kl. 10 | Kópavogsvöllur
17.júní hlaup frjálsíþróttadeildar Breiðabliks fyrir börn í 1.til 6. bekk.
Kl. 12 – 17 | Rútstún og Versalir
Hátíðarsvæði opin með hoppukastölum, leiktækjum og andlitsmálun.
12.00 – 16.00 | Undirgöngin við Hamraborg
Graffiti-djamm.
13.00 – 13.30 | Salurinn, forsalur
Söngsveitin Fílharmónía syngur ættjarðarlög, meðal annars nýtt lag Atla Ingólfssonar við ljóð Þórarins Eldjárns, Ávarp fjallkonunnar, sem samið var í tilefni lýðveldisafmælis. Þar verður hægt að nálgast bókina Fjallkonan. Þú ert móðir vor kær sem forsætisráðuneytið gefur út í ritstjórn Silju Aðalsteinsdóttur.
13.30 | MK
Skrúðganga með Skólahljómsveit Kópavogs og skátunum í broddi fylkingar, hefst við MK (Menntaskólann í Kópavogi) og lýkur á Rútstúni.
14.00 – 16.00 | Skemmtidagskrá á Rútstúni
Fram koma Fjallkona Kópavogs, Leikhópurinn Lotta, Gunnar Helgason og Valgerður Guðnadóttir, Idolstjörnur, Jóhanna Guðrún, Aron Can og VÆB. Kynnar eru þau Eva Ruza og Hjálmar Örn.
14.00 – 16.00 | Skemmtidagskrá við Versali
Fram koma Leikhópurinn Lotta, Gunnar Helgason og Valgerður Guðnadóttir, Idol stjörnur, Jóhanna Guðrún, Aron Can og VÆB. Kynnar eru þau Saga Garðars og Snorri Helga.
13.30 – 16.00 | Menningarhúsin í Kópavogi, útisvæði
Fram koma BMX Brós, Hringleikur, Krakkahestar, Dansskóli Birnu Björns og Skapandi sumarstörf. Þá er Hjálparsveit skáta með tækjasýningu við menningarhúsin.
