Skúlptúr og smörre er hugguleg kvöldstund í Gerðarsafni fyrir fullorðna þar sem við vinnum að gerð skúlptúra, frá hugmynd að listaverki. Miðvikudaginn 4. desember verður boðið upp á smurbrauð og léttar veitingar frá veitingastaðnum Krónikunni með jólalegu ívafi.
Listasmiðjan er hugsuð sem skemmtileg og skapandi upplifun undir handleiðslu myndlistarmanns sem mun leiða gesti inn í heim skúlptúrsins. Smiðjan verður leidd af myndlistarmanninum Erni Alexander Ámundasyni þar sem verður unnið að gerð gifs skúlptúra.
Verð fyrir kvöldstundina er 12.900,-
Innifalið í kvöldstundinni er aðgangur að sýningum safnsins ásamt léttum veitingum frá Króníkunni, smurbrauð og vínglas/óáfengur drykkur.
Til að bóka pláss eða fá frekari upplýsingar sendið tölvupóst á netfangið gerdarsafn@kopavogur.is eða hringið í síma 4417601 á opnunartíma safnsins.
