Kata í Ameríku, eftir Astrid Lindgren, skilaði sér í sektalausri viku eftir 57 ár í útláni, en bókinni átti að skila 2. júní 1969.
Lánþeginn var að taka til á háaloftinu þegar bókin kom í leitirnar og auðvitað var við hæfi að nýta sektarlausu vikuna sem er í gangi 5.-11. maí í tilefni af 70 ára afmæli Kópavogsbæjar.
Sjálfur Jón úr Vör afgreiddi lánþegann þegar bókin var tekin að láni árið 1969. Var þá bókasafnið starfrækt í litlu herbergi í Kársnesskóla. Jón var fyrsti bæjarbókavörður Kópavogsbæjar, en bókasafnið verður 72 ára á árinu.
