Það var mikið hlegið, dansað og föndrað í dag í og við Menningarhúsin í Kópavogi á aðventuhátíðinni.
Ásdís Kristjánsdóttir, bæjarstjóri, tendraði á trénu með þeim Sölku Sól og Rófu Jólastelpu og sérlegur aðstoðarmaður bæjarstjóra var Bryndís Helga Bergmann
Tréð í ár er sitkagreni, kemur úr Guðmundarlundi og er tæpir 13 metrar á hæð.
Dagskrá húsanna var með glæsilegasta móti, jólasveinar og Tufti, jólatröllið, skemmtu á útisvæðinu. Salka Sól kynnti og tók lagið með Skólahljómsveit Kópavogs, Sunna Ben þeytti skífum, Hjörleifur Valsson og Jónas Þórir töfruðu fram hátíðlega tóna, alls kyns föndur og góðgæti frá Úkraínu var á boðstólum svo fátt eitt sé upp talið.
Viðburðir halda áfram á aðventunni og dagskrá húsanna má nálgast hér.
