Flytjendur
Freyja Jónsdóttir söngur
Matthildur Anna Gísladóttir píanó
Ásdís Birta Örnudóttir Guðnadóttir klarinett
Steinar Ari Kristmundsson píanó
Hildigunnur Rúnarsdóttir sópran og kórfélagar úr kammerkórnum Hljómeyki
Freyja Jónsdóttir
B.Mus Söngur
Freyja Jónsdóttir hóf tónlistarnám á selló við Suzukitónlistarskólann í Reykjavík fjögurra ára gömul og kláraði þaðan miðstig. Söngnám hóf hún við Söngskóla Sigurðar Demetz árið 2013 undir handleiðslu Hallveigar Rúnarsdóttur. Þaðan útskrifaðist hún með burtfararpróf vorið 2023. Frá haustinu árið 2023 hefur Freyja stundað söngnám undir leiðsögn Hönnu Dóru Sturludóttur, Dísellu Lárusdóttur og Kristins Sigmundssonar.
Freyja hefur verið ötull kórfélagi frá 12 ára aldri. Hún hefur verið meðal annars í Hamrahlíðarkórnum undir stjórn Þorgerðar Ingólfsdóttur, Graduale Nobili undir stjórn Jóns Stefánssonar og er í Sönghópnum Hljómeyki undir stjórn Stefans Sand. Freyja hefur margoft sungið einsöng með Hljómeyki, meðal annars stóran einsöngspart í Vídalínsmessu eftir Hildigunni Rúnarsdóttur og sópransólóið í Canticum calamitatis maritimae eftir Jaakko Mäntyjärvi. Með Hamrahlíðarkórnum hefur Freyja sungið inn á plötuna Utopia eftir Björk.
Meðal annarra hlutverka í óperum og óperettum sem Freyja hefur farið með eru: Spes í óperunni Gretti eftir Þorkel Sigurbjörnsson, Mademoiselle Silberklang í Der Schauspieldirektor eftir Wolfgang Amadeus Mozart og titilhlutverkið í Susannah eftir Carlisle Floyd. Freyja mun svo fara með hlutverk nornarinnar í Hänsel und Gretel eftir Engelbert Humperdinck á vegum Söngdeildar Listaháskóla Íslands.
