Heimsins mest listelskandi kópur?
Auðvitað býr hann í Kópavogi!
Kópurinn býður krökkum og fjölskyldum þeirra að koma og njóta lista sem sérstaklega eru ætluð þeim.
Krakkahátíðin er barnamenningarhátíðin okkar hér í Kópavogi. Hún er sett á laggirnar í ár með nýjum áherslum og nýju útliti.
Kópurinn okkar er forvitinn prakkari sem elskar list og hann býður öllum að koma og upplifa, því það verður ótal margt í boði.
Geggjuð tónlist, skemmtilegar leik-, dans- og sirkussýningar og smiðjur sem virkja sköpunargáfuna.
Allir viðburðirnir fara fram milli kl. 12 og 16 laugardaginn 9. maí í menningarhúsunum í Kópavogi og aðgangur er ókeypis.
Hér má sjá alla viðburðina.
Verið öll hjartanlega velkomin, stór sem smá.
