Fimmtudaginn 26. júlí, kl. 17:00 á neðri hæð Gerðarsafns verður boðið upp á ókeypis tónleika í tilefni lokahátíðar Skapandi sumarstarfa í Kópavogi. Tónlistarmennirnir sem fram koma eru fiðluleikararnir Ingibjörg Ásta Guðmundsdóttir og Sólrún Ylfa Ingimarsdóttir sem mynda dúóið Bachelsi, klassíski gítarleikarinn Brynjar Friðriksson sem blandar saman klassískri tónlist og popptónlist og Ingibjörg Steingrímsdóttir sem frumflytur eigin verk, útsett fyrir píanó og söng auk þess að leika ábreiður á lögum fyrirmynda sinna. Þorsteins Eyfjörð og Rögnvaldar Konráðs sýna samstarfsverkefnið sitt sem nefnist ,,Tilvera hversdagsins“ sem snýr að því að skoða hversdagslíf Kópavogs með það að leiðarljósi að draga fram nýja sýn á hið kunnuglega. Þeir blanda saman hljóðrænum og sjónrænum miðlum og afrakstur verkefnisins verður sýndur í formi innsetningar.
Á árlegri Uppskeruhátíð Skapandi sumarstarfa er afrakstur sumarsins kynntur og Molinn, miðstöð starfsins, verður einnig opinn. Hægt er að nálgast frekari upplýsingar á heimasíðunni:https://sumar.kopavogur.is/molinn/skapandi-sumarstorf/
02
sep
Bókasafn Kópavogs
