Felufélagar er skuggabrúðusmiðja á vegum hönnunarteymisins ÞYKJÓ.
Í smiðjunni læra börn og fjölskyldur þeirra að gera skuggabrúður sem eru innblásnar af skjaldbökum, sniglum, kuðungum og fleiri skeldýrum.
Hægt verður að uppgötva töfra skuggaleikhúss og láta skuggabrúðuna sína ferðast um ólík vistkerfi, allt frá sjávardjúpum, um sandstrendur og inn í regnskóga.
Öll velkomin og aðgangur ókeypis.
