Tónlistar- og myndlistarmaðurinn Curver Thoroddsen, leiðir hljóðlistasmiðju fyrir 10-14 ára í Vetrarfríi grunnskólanna, daganna 25. og 26. febrúar, þar sem áhersla er lögð á samspil hljóðs og myndar. Þátttakendur fá afnot af hljóðfærum og skapa ýmiskonar hljóðverk með hliðsjón af myndefni.
Curver er þekktur fyrir gjörninga sína og vídeóverk þar sem listin og hversdagslegar athafnir renna saman. Hann stundaði myndlist við Listaháskóla Íslands og útskrifaðist með MFA gráðu frá School of Visual Arts í New York árið 2009. Hann er einnig lærður listgreinakennari og hefur m.a. starfað með tónlistarkonunni Björk Guðmundsdóttur í menntaverkefninu Biophilia. Síðustu ár hefur Curver skipað dúettinn Ghostigital ásamt Einari Erni Benediktssyni og hafa vakið verðskuldaða athygli og gefið út plötur víða um heim. Auk þess er Curver afkastamikill upptökustjóri. Meðal annars stýrði hann nýlega upptökum á plötunni Kinder Versions með Mammút en hún fékk frábærar viðtökur og vann Íslensku tónlistarverðlaunin sem besta rokkplatan.
Smiðjan hefst stundvíslega kl. 13:00 og henni lýkur kl. 15:00.
Aðgangur er ókeypis en það er takmarkað pláss.
06
maí
11
maí
Bókasafn Kópavogs
08:00
