Sumarlestur Bókasafns Kópavogs er í fullum gangi og eru grunnskólanemendur hvattir til að nýta sér barna- og unglingabækurnar á safninu í sumarfríinu.
Mikið úrval er af alls kyns bókum fyrir börn á öllum aldri, þau sem eru að byrja að lesa jafnt sem þau sem lengra eru komin og er sumarlesturinn frábær möguleiki fyrir þau til að viðhalda lestrarfærni og efla hana í sumarfríinu.
Hægt er að skrá sig í sumarlestrarátakið á vef safnsins bokasafn.kopavogur.is og dregið er úr happamiðapotti vikulega í allt sumar. Til að komast í pottinn þarf að ljúka lestri á þremur bókum sem skráðar eru í lestrardagbók, en dagbókina má nálgast í afgreiðslu safnsins.
Sumarlestrinum lýkur með með uppskeruhátíð föstudaginn 17. ágúst kl. 15:30 á aðalsafni Bókasafns Kópavogs.
09
jan
Salurinn
