Þröstur Helgason fjallar um Hörð Ágústsson og þróun abstraktmálverksins hér á landi. Erindið er flutt í tengslum við sýninguna Geómetríu í Gerðarsafni.
Hörður Ágústsson gegndi þversagnarkenndu hlutverki við að flytja til Íslands strauma og stefnur í evrópska abstraktmálverkinu á sjötta og sjöunda áratugnum. Hann gerir gagnrýna orðræðu strangflatarmálara í París um frjálsa abstraktið að sinni en gegnir jafnframt mikilvægu hlutverki við að flytja það inn í íslenskt myndlistarlíf, bæði með skrifum sínum í tímaritið Birting og sem listmálari. Í erindinu verður rýnt í þessa flóknu stöðu Harðar og ljósi varpað á þróun abstraktsins á umrbotatímum í íslenskri menningar- og listasögu.
Aðgangur er ókeypis og öll hjartanlega velkomin.
Menning á miðvikudögum er styrkt af Lista- og menningarráði Kópavogsbæjar
