Í samstarfi við Daga ljóðsins í Kópavogi býður Blekfjelagið gestum og gangandi, áhugasömum og forvitnum að hlýða á ljóðalestur í forsal Salarins. Aðgangur ókeypis og öll hjartanlega velkomin.
Meistaranemar úr ritlist stíga á svið og lesa fyrir okkur allskyns ljóð um daginn og veginn sem þeir hafa eflaust skrifað meðan á námi stendur.
Vinningshafar Ljóðstafs Jóns úr Vör munu svo auðvitað stíga á stokk með okkur nemunum til að fagna Dögum ljóðsins í Kópavogi.
Tónlist mun hljóma um Salinn og boðið verður upp á kaffi og veitingar.
