Sönghópurinn Spectrum er 20 ára og efnir af því tilefni til afmælistónleika í Salnum í Kópavogi. Á dagskránni er breitt úrval af lögunum sem okkur þykir vænst um og við höfum sum hver sungið alveg frá upphafi. Þarna verða lög sem örfáir söngvarar sungu í giggum í árdaga, lögin sem við lögðum allt okkar undir með í kórakeppnum, lögin sem áheyrendurnir okkar ærast alltaf yfir – og kannski eitthvað sem við höfum ekki sungið áður. Afmælistónleikarnir okkar verða sannkölluð veisla, þar sem kjörorðin okkar gleði, gæði og galdur verða í fyrirrúmi.
Ókeypis fyrir 16 ára og yngri
