Seiðandi ensk þjóðlög hljóma á þessum síðkvöldstónleikum á Safnanótt í túlkun hins einstaka tónlistarmanns Chris Foster. Aðgangur er ókeypis og öll hjartanlega velkomin.
Chris Foster er frá enskur þjóðlagasöngvari og gítarleikari sem hefur verið búsettur á Íslandi frá árinu 2004. Hann telst brautryðjenda á sviði enskrar þjóðlagatónlistar þar sem hann setur gömul ensk þjóðlög í nútímalegan búning með sérstæðum, frumlegum gítarleik og hrífandi söngtúlkun.
Chris Foster hefur gefið út sjö sólóplötur og leikið með öðrum listamönnum inn á fjölmargar plötur. Hann hefur komið fram á tónleikum víðs vegar um heiminn, í Bandaríkjunum, í Kína, í Bretlandseyjum sem og á meginlandi Evrópu. Frá árinu 2001 hefur hann verið liðsmaður í þjóðlagadúóinu Funa ásamt Báru Grímsdóttur en dúóið hefur gefið út fjórar plötur, komið fram á tónleikum, hátíðum, í útvarpi og haldið námskeið í Evrópu, Bandaríkjunum og Kína.
Tónleikar Chris fara fram á annarri hæð bókasafnsins og eru hluti af Safnanótt í Kópavogi sem er styrkt af menningar- og mannlífsnefnd Kópavogsbæjar.
Tónleikanir er hluti af verkefninu Bókasafnið í fjölmenningarlegu samfélagi en það er styrkt af Bókasafnasjóði og Nordplus.
Aðgangur er ókeypis og öll innilega velkomin.
