Hugleiðsludagur unga fólksins 2018
Menningarhúsin í Kópavogi styðja við Hugleiðsludag unga fólksins sem fer fram í þriðja skipti í ár þann 9. október í Gerðarsafni. Fyrri viðburðir fóru fram í Ráðhúsi Reykjavíkur og í Björtuloftum í Hörpu en verkefnið teygir sig einnig út fyrir landsteinanna með samstarfsaðilum í Kanada.
Verkefnið er hugarfóstur sex jógakennara sem hafa ástríðu fyrir því að kynna hugmynd um hugleiðslu fyrir börnum í gegnum skólakerfið.
Hver og einn skóli eða kennari getur leitt þessa einföldu hugleiðslu með því að fylgja einföldum leiðbeiningum og horfa á meðfylgjandi vídeó.
Sjá nánar á Facebook viðburði.
Við hægjum á öndun.
Við setjum lófa á brjóstkassa og tengjum við hjarta.
Við lokum augum.
Og við hugleiðum inn á frið í hjarta í 3 mínútur. Finnum okkar innri frið.
Við hvetjum alla til að taka þátt!
