Fimmtudagskvöldið 3. september býður Gerðarsafn upp á lengdan opnunartíma eða til kl. 21.00 í tilefni af útskriftarsýningu nemenda í hönnun og arkitektúr. Á sýningunni Fjörutíu skynfæri má sjá verk eftir nemendur sem útskrifuðust úr hönnun og arkitektúr frá Listaháskóla Íslands í júní 2020.
Útgáfuhóf Mænu, tímarits útskriftarnemenda í grafískri hönnun, verður í anddyri Gerðarsafns frá kl. 17:00-19:00. Þema blaðsins að þessu sinni er Generation og greinarhöfundar eru flestir núverandi eða fyrrverandi nemendur skólans og endurspegla hluta af nýjustu verkum og vangaveltum nemenda deildarinnar.
Sýningin Fjörutíu skynfæri stendur til 13. september og er aðgangur ókeypis.
Aðgangur er ókeypis og allir velkomnir svo lengi sem húsrúm, fjarlægðarmörk og fjöldatakmarkanir leyfa.
