Ævintýraferð fyrir fjölskylduna um Borgarholtið í leiðsögn Sólrúnar Harðardóttur kennara og líffræðinga af Náttúrufræðistofu Kópavogs. Við skoðum saman skemmtileg náttúrufyrirbæri eins og mosa, fléttur, grös og grjót og veltum fyrir okkur ævintýrunum sem kunna að leynast allt í kring.
Gangan hefst við Náttúrufræðistofu Kópavogs og svo er gengið af stað. Öll hjartanlega velkomin og aðgangur ókeypis.
Sólrún Harðardóttir er kennari og námsefnishöfundur. Hún hlaut Íslensku menntaverðlaunin árið 2006. Sólrún er aðalhöfundur fræðsluvefs fyrir börn á öllum aldri um umhverfið og náttúruna í Kópavogi.
Lista- og menningarráð Kópavogsbæjar styrkir Fjölskyldustundir á laugardögum. Viðburðir fara fram alla laugardaga kl. 13 og eru haldnir á víxl á Bókasafni Kópavogs, Gerðarsafni, Náttúrufræðistofu Kópavogs og Salnum.
