Klippum og límum sjálfsmyndir úr allskonar fundnu efni – hafðu innra sjálfið líka með á myndinni! Uppáhalds lit, mat og áhugamál, hvað gerir þig að þér? Verið velkomin í skemmtilega klippismiðju með Jóhönnu Ásgeirsdóttur í Fjölskyldustund á laugardegi, laugardaginn 1. mars kl. 13-15 í Gerðarsafni. Allur efniviður á staðnum, öll eru velkomin!
Jóhanna Ásgeirsdóttir (1993) myndlistarmaður og kennari. Hún vinnur innsetningar, upplifanir og skúlptúra innblásna af raunvísindum og umhverfismálum. Hún lauk grunnnámi í myndlist frá New York University og meistaranámi í listkennslu frá Listaháskóla Íslands. Hún hefur tekið þátt í og sýningarstýrt myndlistarsýningum á Íslandi, Berlín og New York. Hún starfaði sem listrænn stjórnandi listahátíðarinnar List án landamæra, og starfar nú við kennslu í Myndlistaskóla Reykjavíkur og við ýmis skapandi verkefni.
