Súrkálsdrottningin Dagný Hermannsdóttir fer yfir grunnaðferðir við að sýra og pækla grænmeti, fræðir okkur um hollustu og notkunarmöguleika ásamt því hvaða hráefni hentar best.
Þátttakendur fá tækifæri til að útbúa sína eigin krukku með grænmeti úr haustuppskeru matjurtagarðs Lindasafns.
Krukkur verða seldar á staðnum en velkomið að koma með sína eigin smellukrukku (ca 800 ml – 1 líter) og litla krukku sem passar ofaní þá stærri til að nota sem farg.
Boðið verður upp á girnilegt súrkálssmakk.
Öll velkomin meðan húsrúm leyfir.
