Agnes Thorsteins sópran, Omer Kobiljak tenór og píanóleikarinn Marcin Koziel halda tónleika í Salnum í Kópavogi undir nafninu „ Þegar sópran hittir tenór -þá taka töfrar völdin“ Þar munu þau flytja ítölsk og þýsk lög, dúetta og ljóð. M.a eftir Wagner, Mascagni, Tchaikovsky, Falvo og Respighi.
Agnes Thorsteins sópran útskrifaðist með láði frá Tónlistarháskólanum í Vín með BA gráðu í óperusöng undir leiðsögn Prof. Regine Köbler. Eftir það lá leið hennar í óperuhúsið í Mönchengladbach þar sem hún söng næstu tvö árin. Þar söng Agnes m.a hlutverk Hänsel úr Humperdincks „Hänsel und Gretel” Lola úr Cavalleria Rusticana eftir P. Mascagni og Orfeo úr „Orfeo ed Euridice” eftir Gluck. Við óperuhúsið í Rijekasöng Agnes hlutverk Lizu í Spaðadrottningu Tchaikovsky. Á næsta ári mun Agnes m,a syngja hlutverk Sentu í óperu Richard Wagner, Hollendingnum fljúgandi við óperuhúsin í Krefeld og Mönchengladbach.í Þýskalandi.
Bosníski tenórinn Omer Kobiljak stundaði nám í óperusöng við Winterthur tónlistarháskólann í Sviss hjá David Thorner. Omer hefur sungið í fjölmörgum uppfærslum víða um Evrópu og vakið mikla athygli. M.a sungið með hljómsveit óperuhússins í Zürich hlutverk Ismaele í Nabucco, Nathanaël í Les Contes d’Hoffmann, Macduff í Macbeth, Froh í Das Rheingold auk hlutverka í uppfærslum óperuhússins á Il trovatore og I Capuleti e i Montecchi. Árið 2022 þreytti Omer frumraun sína sem Alfredo í La Traviata við óperuhúsið í Zürich og hlutverk Don Riccardo í Verdis Ernani á Bregenz hátíðinni í Austurríki.
Pólski píanóleikarinn Marcin Koziel spilar og starfar í Vínarborg, er mörgum íslendingum að góðu kunnur. Hefur hann spilað á tónleikum á Íslandi og haldið hér masterclass námskeið fyrir íslenska söngnemendur. Marcin hefur spilað í tónlistar-og óperuhúsum víðsvegar um Evrópu. Þá hefur hann verið fastur meðleikari klassískra söngvara í alþjóðlegum söngkeppnum. Má þar nefna , Maria Callas Grand Prix í Aþenu, og Belvedere Singing Competition í Vínarborg.
Marcin hefur séð um tónlistarstjórn í uppfærslum eins og Elektra (Teatr Wielki, Varsjá 2010), Medeamaterial (Varsjá 2012), Parsifal(Poznan 2013), Ariadne auf Naxos, Tristan und Isolde (Varsjá 2015/16), Hamlet (Vín 2016). Frá árinu 2010 hefur Marcin starfa’ sem meðleikari við Tónlistarháskólann í Vín.
