Kvartettinn Stirni skipa Björk Níelsdóttir sópran, Svanur Vilbergsson gítar, Hafdís Vigfúsdóttir flauta og Grímur Helgason klarinett. Hér flytja þau úrval nýrra verka eftir áhugaverð samtímatónskáld.
Ókeypis er inn á tónleikana og öll velkomin á meðan húsrúm leyfir. Tónleikarnir eru liður í tónlistarhátíðinni Myrkir músíkdagar og hluti af viðburðaröðinni Menning á miðvikudögum sem styrkt er af lista- og menningarráði Kópavogsbæjar.
Efnisskrá:
Egill Gunnarsson / Einar Bragi
Bið
Heim (frumflutningur)
Hafdís Bjarnadóttir / Texti úr samlesnum auglýsingum og veðurfréttum
Romsa
Kolbeinn Bjarnason / Sigurður Pálsson
Treystu náttmyrkrinu (frumflutningur)
————–
Kvartettinn Stirni var stofnaður í janúar 2016 og hefur frá upphafi einbeitt sér að nýsköpun en stærsta sjálfskapaða listræna áskorun Stirnis er sú að nánast engin tónverk höfðu áður verið skrifuð fyrir kvartett með þessa hljóðfæraskipan. Á undanförnum átta árum pantað á þriðja tug tónverka og frumflutt þau á margvíslegum tónleikum. Fjögur tónverkanna hefur hópurinn hljóðritað og vænta má afrakstursins á geisladiski síðar á árinu 2024. Auk þess hafa útsetningar skipað sess á efnisskrám hópsins, sem og áhugaverð einleiksverk, dúó og tríó.
