Í síðustu viku var sumarnámskeið Náttúrufræðistofu haldið í 22. sinn!
Hress og kátur krakkahópur tók þátt í námskeiðinu og lagði daglega í spennandi rannsókna- og ævintýraferðir um fjörur og leirur, hraun og móa, tjarnir og læki. Að loknum leiðöngrum voru fjársjóðir og fundir dagsins skoðaðir og greindir á rannsóknastofu og allt skráð skilmerkilega niður, að vísindamanna sið. Og að sjálfsögðu má ekki gleyma nestistímunum í náttúrunni og hopputímunum á ærslabelgnum!
Bestu þakkir fyrir þátttökuna!
Spennandi fjörubollar í sjávarfitjungi við Gálgahraun.
Velt við steini og ævintýraheimur fjörunnar blasir við.
Æðarhreiður.
Fjörufjársjóðir rannsakaðir.
Marflóin magnaða.
Sílaveiðar í Kópavogstjörn.
Nestistími við Vífilsstaðavatn.
Bar vel í veiði við Vífilsstaðavatn.
Allir þátttakendur fengu viðurkenningarskjöl í lok námskeiðs.
25
apr
Bókasafn Kópavogs
