Nýr verkefnastjóri fræðslu, viðburða og miðlunar

Kolbrún Björk Sveinsdóttir hefur verið ráðin verkefnastjóri fræðslu, viðburða og miðlunar á Bókasafni Kópavogs.
Kolbrún hefur langa og víðtæka starfsreynslu af menningartengdum störfum og kennslu og starfaði meðal annars sem verkefnastjóri fjölmenningar og barnastarfs á Bókasafni Reykjanesbæjar í tæp átta ár. Fólst starfið meðal annars í verkefnastjórnun fræðslustarfs gagnvart börnum og unglingum og yfirumsjón á skipulagningu og viðtöku hópa á öllum aldri í fræðslu, allt frá leikskólabörnum til framhaldsskólahópa, sem og umsjón með fjölmenningarverkefnum/ menningartengdum verkefnum. Hún sat einnig í stýrihópi Reykjanesbæjar um fjölmenningu og kom að stofnun hópsins Heimskonur árið 2009, en hópurinn er ætlaður konum af erlendum uppruna. Hún lagði grunninn að verkefninu Heilakúnstir á Bókasafni Reykjanesbæjar og var verkefnastjóri hjá Rauða krossinum í því verkefni. Kolbrún hefur kennt ensku við Háskólabrú hjá Keili í rúmlega fimm ár, hefur setið námskeið um vendinám og ýmsar ráðstefnur hvað kennslu og kennsluhætti varðar og mun sú reynsla nýtast vel í öllu er við kemur móttöku skólahópa, fræðslu, gerð fræðslu- og kennsluefnis fyrir skólahópa og dagskrá fræðslu. Kolbrún hefur komið víða annars staðar við, m.a. hefur hún unnið við þýðingar í gegnum árin, þar á meðal yfirlestur, skjá- og bókaþýðingar sem og þýðingar á greinum á háskólastigi, setið námskeið hjá Rauða krossi Íslands í tengslum við flóttafólk og hælisleitendur og kennt í vinnustofu á Spáni um vendinám á vegum Keilis.
Kolbrún útskrifaðist með BA próf og MA próf í enskum bókmenntum frá Háskóla Íslands. Hún er auk þess með kennsluréttindi á framhaldsskólastigi.
Verkefnastjóri sér um skipulag og hefur yfirumsjón með fræðslu fyrir börn og ungmenni og móttöku skólahópa á safnið. Hann vinnur að skipulagi viðburða, fjölmenningarverkefnum og kynningarmálum safnsins. Hann situr í viðburða- og kynningarteymi safnsins, auk þess að taka þátt í annarri teymisvinnu innan safns sem utan. Verkefnastjóri vinnur náið með verkefnastjórum fræðslu-, viðburða- og kynningarmála hjá Menningarhúsum Kópavogs, situr í viðburðateymi Menningarhúsanna og tekur virkan þátt í framkvæmd og þróun verkefna. Hann sinnir einnig öðrum verkefnum sem tengjast grunnstarfsemi og rekstri safnsins í samstarfi við aðra starfsmenn, s.s  upplýsingamiðlun og þjónustu gagnvart gestum.
Starfsfólk bókasafnsins býður Kolbrúnu velkomna til starfa.

Deildu þessari grein

TENGDIR
VIÐBURÐIR

02
Feb
11
Feb
Salurinn
20:30

Katrín Halldóra

07
Feb
Salurinn
20:00

Öskubuska og Hnotubrjóturinn

08
Feb
Salurinn
12:15

Óperudagurinn

08
Feb
Bókasafn Kópavogs
14:00

Hannyrðaklúbburinn Kaðlín

08
Feb
Bókasafn Kópavogs
16:00

Bókmenntaklúbburinn Hananú!

11
Feb
Bókasafn Kópavogs
13:00

Origamismiðja

15
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

15
Feb
Héraðsskjalasafn Kópavogs
10:30

Myndgreiningarmorgunn

15
Feb
Bókasafn Kópavogs
14:00

Hannyrðaklúbburinn Kaðlín

16
Feb
Salurinn
20:30

Friðrik Dór & Jón Jónsson

16
Feb
Bókasafn Kópavogs
10:00

Lengi býr að fyrstu gerð

18
Feb
Bókasafn Kópavogs
10:30

Æfingin skapar meistarann

Sjá meira

NÝJUSTU FRÉTTIR