Gerðarsafn og Náttúrufræðistofa Kópavogs hlutu öndvegisstyrk frá Safnaráði til að vinna verkefnið Myndlist og náttúra. Í vor vinna söfnin að þriðja fasa verkefnisins með öðrum bekk í grunnskólum Kópavogs undir heitinu Lífið neðansjávar.
Börnin kynnast undraheiminum sem leynist neðansjávar og eiginleikum hafsins. Þau heimsækja Náttúrufræðistofu Kópavogs, skoða frumur í smásjám, smakka sjóinn, skoða dýr í sjónum og koma við skeljar og þörunga. Síðan leiðir myndlistarmaður listsmiðju með börnunum í Gerðarsafni þar sem þurrkaðir þörungar koma við sögu í listsköpun og þau skapa myndir með þörungum og vatnslitum.
