Hrafnhildur Eva Guðmundsdóttir
BA Söngur
Hrafnhildur Eva stundaði nám við Söngleikjadeild Söngskóla Sigurðar Demetz og lauk við skólann framhaldsprófi í söng undir handleiðslu Sigrúnar Hjálmtýsdóttur vorið 2020. Veturinn 2019-2020 hlaut hún fullan námsstyrk fyrir skólagjöldum úr Minningarsjóði Vilhálms Vilhjálmssonar.
Hrafnhildur hefur sungið með Óperukór Reykjavíkur og er í söngleikja- og sviðslistakórnum Viðlagi þar sem hún fór með hlutverk Mikaelu í söngleiknum ,,Við erum hér” sem sýndur var fyrir fullu húsi frá okt’24 til feb’25.
Meðal annarra hlutverka sem hún hefur farið með eru: ein af Damigelle í La liberazione di Ruggiero dall’ isola di Alcina eftir Francesca Caccini, Papagena í Töfraflautunni eftir Mozart, Kálormurinn í Furðuveröld Lísu eftir John Speigt og Kata í Kysstu mig Kata eftir Cole Porter.
Hrafnhildur Eva hefur tekið þátt í frumflutningi kórverka og sungið einsöng á Óperudögum og er meðlimur í hljómsveitinni Korda sem hlaut tilnefningu til Íslensku tónlistarverðlaunanna árið 2021 sem tónlistarviðburður ársins.
Einnig hefur hún dansbakgrunn sem hún hefur nýtt m.a. til þess að semja dansa og sviðshreyfingar fyrir uppfærslur hjá bæði söngleikja- og óperudeild Söngskóla Sigurðar Demetz og Söngdeild Listaháskóla Íslands.
Flytjendur
Hrafnhildur Eva Guðmundsdóttir
Matthildur Anna Gísladóttir, píanó
