Velkomin í fjöltyngda listsmiðju sem leiðir saman menningarheima í gegnum pólsku útklippiaðferðina Wycinanka!
Í smiðjunni verður þátttakendum boðið að klippa út mynstur í anda pólskrar alþýðulistrar, wycinanka. Þátttakendur fá tækifæri til að fræðast um þessa aldagömlu handverksaðferð þar sem litríkur pappír er klipptur í mynstur sem ýmist sækja innblástur til náttúrunnar, geometríu eða mynda úr sveitalífi. Löng hefð er fyrir því að prýða heimili, kirkjur og samkomustaði með skreytingum af þessu tagi á stórviðburðum og hátíðum. Leiðbeinendur eru pólsku myndlistarmennirnir Weronika Balcerak og Lukas Bury
Smiðjan hentar öllum aldri og er hvorki krafist þekkingar á pólsku né bakgrunns í listum. Hægt er að koma við á þeim tíma sem hentar hverjum og einum og dvelja eins lengi og hentar. Gert er ráð fyrir að börn mæti í fylgd fullorðinna. Smiðjan er á íslensku, ensku og pólsku.
Markmið þessarar smiðju er að efla þvermenningarlegan skilning og skapa rými fyrir fólk af ólíkum uppruna til að koma saman og skapa eitthvað fallegt. Smiðjan er liður í viðburðaröð sem er skipulögð í samstarfi Menningarhúsanna í Kópavogi og GETU – hjálparsamtaka.
Aðgangur ókeypis og öll hjartanlega velkomin.
