Magnþrungið tónlistarferðalag með Sigurbirni Bernharðssyni fiðluleikara og Liam Kaplan píanóleikara. Hér er allt tillfinningalitrófið spannað, frá silfurtærri angurværð í Pastorale eftir bandaríska tónskáldið William Grant Still og yfir í ólgandi dramatík í fiðlusónötu Sergeis Prokofievs sem þykir eitt hans myrkasta og jafnframt áhrifamesta verk. Fjörugur sambataktur er innblásturinn að verki bandaríska tónskáldsins Jeff Scott en fjögur rómantísk fiðluverk Dvoraks búa yfir dáleiðandi fegurð sem lætur enga ósnortna.
Tíbrá tónleikaröð er styrkt af Lista- og menningarráði Kópavogs
Um flytjendur:
Sigurbjörn Bernharðsson heldur reglulega einleiks og kammertónleika ásamt því að halda Master klassa í Bandaríkjunum, Asíu Evrópu og á Íslandi Síðan 2017 hefur hann starfað sem Prófessor í Fiðluleik í Oberlin Conservatory. Fram að því var hann meðlimur í Pacifica Strengjakvartettinum og spilaði um 90 tónleika árlega í mörgum af helstu tónleikasölum heims m.a Wigmore Hall, Wien Konzerthaus, Concertgebouw í Amsterdam, Alice Tully Hall, Carnegie Hall í New York og Suntory Hall í Tókíó. Sigurbjörn hefur komið fram á mörgum af helstu tónlistarhátíðum heims m.a Edinborgar hátíðinni, Ravinia, Aspen Music festival og Music@menlo Sigurbjörn hefur hlotið ýmsar viðurkenningar á ferli sínum og með Pacifica Kvartettnum eins og Grammy verðlaunin, Musical America Ensemble of the Year og The Avery Fisher Career styrkinn.
Hann hefur komið fram á tónleikum og í hljóðupptökum með listafólki eins og Yo Yo Ma, Lynn Harell, Menahem Pressler,Marc Andre Hamilin, Leon Fleicher ,Jörg Widman, Emerson kvartettinum og meðlimum í Guarneri og Cleveland String Quartet. Sigurbjörn hefur tekið upp yifr 20 geisladiska. Núna síðast verk fyrir fiðlu og píanó eftir Schubert.
Sigurbjörn hefur starfað sem Prófessor í fiðlu og kammertónlíst við The Jacobs School of music at Indiana University, University of Illinois og verið Artis in Residence við University of Chicato. Hann er listrænn stjórnandi HIMA og Cooper Alþjóðlegu fiðlukeppnina .
Hann lærði hjá Gígju Jóhannsdóttur, Guðnýju Guðmundsdóttur, Roland og Almitu Vamos, Matias Tacke og Shmuel Ashkenasi.
Liam Kaplan er píanóleikari og tónskáld frá Montclair, New Jersey, Bandaríkjunum. Liam er með bakkalárgráðu í píanóleik og tónsmíðum frá Oberlin, þar sem hann lærði hjá Alvin Chow og Stephen Hartke. Hann hefur komið fram sem einleikari með Aspen Conducting Academy Orchestra, Oberlin Orchestra og Oberlin Sinfonietta. Liam hefur gefið út tvær einleiksplötur. Annars vegar þar sem hann leikur seinni hluta Das Wohltemperierte Klavier og Goldberg afbrigðin eftir J.S. Bach og annars vegar þar sem hann leikur 8 Prelúdíur eftir hann sjálfan og Orpheus Suite eftir Elizabeth Ogonek. Herdís Mjöll Guðmundsdóttir frumflutti nýjan fiðlukonsert eftir Liam árið 2020 með Oberlin Contemporary Music Ensemble undir stjórn Tim Weiss. Liam hefur unnið til verðlauna fyrir píanóleik og tónsmíðar. Hann var í fyrsta sæti í konsertkeppnum í Oberlin Conservatory og Aspen Music Festival auk þessa að vinna BMI verðlaun fyrir ung tónskáld árið 2019. Nánari upplýsingar um Liam er að finna hér: liamkaplanmusic.com.
