Þátttakendur teikna mynd á pappír, rúlla grafíkliti á plexigler og leggja svo blaðið á litinn. Því næst teikna þau ofan í línurnar og skapa sitt eigið grafíklistaverk út frá sínum eigin sjóndeildarhring. Þessi tækni kallast einþrykk og þátttakendur geta tekið listaverkin heim.
Leiðbeinandi er Björk Viggósdóttir.
Öll eru velkomin. Smiðjan hentar öllum börnum á grunnskólaaldri og fjölskyldum þeirra.
Fjölskyldustundir á laugardögum eru styrktar af lista- og menningarráði Kópavogsbæjar.
