Tvíhöfði mætir með jólin í Salinn!
Þeir félagar í Tvíhöfða, Jón Gnarr og Sigurjón Kjartansson munu halda Litlu jólin í Salnum á aðventunni. Það hefur verið mál manna og kvenna að ekki sé hægt að halda almennileg jól fyrr en sest hefur verið niður með þeim Jóni Gnarr og Sigurjóni Kjartanssyni þar sem rædd eru málefni líðandi stundar umbúðalaust, tónlist leikin og sungin, skrítlur sagðar, leikþættir leiknir og ræður fluttar. Og svo má ekki gleyma leynigestum!
