Benni Hemm Hemm hefur gert víðreist með hljómsveit sinni undanfarið og gefið út meiri tónlist en nokkru sinni fyrr á sínum tuttugu ára ferli. Miðvikudaginn 22. nóvember gefst tækifæri til að sjá Benna Hemm Hemm einan á sviði í Salnum í Kópavogi þar sem hann mun flytja lög sín í sinni einföldustu mynd, vopnaður gítar og píanói.
Aðgangur er ókeypis og öll hjartanlega velkomin á meðan húsrúm leyfir.
Tónleikarnir eru liður í viðburðaröðinni Menning á miðvikudögum sem er styrkt af lista- og menningarráði Kópavogsbæjar.
Benni Hemm Hemm er hljómsveit Benedikts H. Hermannssonar. Hann semur tónlistina sem hún flytur og stýrir upptökum á hljómplötum hennar.
Fyrsta útgáfa Benna Hemm Hemm var smábreiðskífan SummerPlate sem gefin var út í 30 eintökum árið 2003. Síðan þá hefur Benni
Hemm Hemm gefið út 14 breiðskífur, 4 smábreiðskífur, eina plötu með leikritatónlist og eina bók og flutt tónlist sína margvíslegum vettvangi í öllum mögulegum hljómsveitarmyndum og einn síns liðs.
