Á Hamraborg Festival verður Curver Thoroddsen með hljóðinnsetninguna Andskotans hávaði (riffasúpa ræflarokkarans) í bílastæðahúsi Hamraborgar.Verkið samanstendur af 10 hátölurum dreift um rýmið en í hverjum hátalara hljómar eitt gítarriff úr íslensku pönklagi síendurtekið. Samanlagt mynda riffin „Andskotans hávaða“ en það er auðvitað frasi sem oft hefur verið notaður af fólki til að lýsa pönktónlist á neikvæðan hátt. Verkið er sjálfstætt framhald af svipaðir hljóðinnsetningu sem að Curver setti upp á þungarokkshátíðinni Eistnaflug síðasta sumar þar sem hann tók fyrir metal-riff. Vegna tengingar Kópavogs og Hamraborg Festival við pönkið þetta árið þótti tilvalið að kanna kakófóníu íslenska ræflarokksins á fæðingarstað þess.
27
apr
Bókasafn Kópavogs
15:00
