Gerðarsafn og Náttúrufræðistofa Kópavogs hlutu öndvegisstyrk frá Safnasjóði til að vinna verkefnið Myndlist og náttúra. Í haust vinna söfnin að fjórða fasa verkefnisins með þriðja bekk í grunnskólum Kópavogs undir heitinu Skúlptúrgarður barnanna.
Náttúran er sannarlega magnaður myndhöggvari. Í vetur ætlum við að skoða hvernig náttúruöflin móta landið og skoða þrívíð verk eftir Gerði Helgadóttur í því samhengi. Börnin setja sig í spor jökuls sem býr til dali eða eldfjalls sem gýs og skapar nýtt land og búa til landslagsskúlptúr úr gipsi sem þau taka með heim.
