Krakkahátíðin Kópurinn synti af stað í menningarhúsunum í Kópavogi í dag. Þetta var í fyrsta skipti sem hátíðin fór fram með nýjum áherslum og nýju útliti en Halldór Baldursson skopmyndateiknari á heiðurinn að nýja Kópnum.
Meðal þess sem var í boði voru danssýningin Dagdraumar, brúðusýningin Pétur og Úlfurinn, krakkakaríóki með Söndru Barilli, töskuskarts- og tröllabrúðusmiðja og sirkussýning svo eitthvað sé talið upp.
Það var svo gaman að geta boðið upp á þessa gæðaviðburði fyrir krakkana í Kópavogi og það frítt. Við lítum svo á að menning sé fyrir öll og því var einstaklega gaman að sjá hversu mörg sóttu okkur heim og nutu. Segir Vigdís Jakobsdóttir verkefna- og viðburðastjóri menningarmála.
Mikið var í boði eins og sjá má á meðfylgjandi myndum.
