Saga sem hreyfist og hreyfir við börnum.
Dansdropi er smiðja þar sem börn verða leidd inn í heim dansins út frá leikjum og fá að spreyta sig á því að umbreytast í krókódíla, vélmenni, vatn og margt fleira. Í gegnum hreyfingarnar búum við til örsögur sem börnin geta svo teiknað eða skrifað á blað.
Dans, hreyfing og ímyndunarafl fléttast saman og skapa rými þar sem hvert og eitt getur fundið sína eigin leið til tjáningar.
Dansdropi er leiddur af dansaranum og danshöfundinum Ingu Maren, sem hefur um árabil unnið að dansverkefnum fyrir börn, þar á meðal fyrir Íslenska dansflokkinn.
Frítt er inn og öll hjartanlega velkomin meðan húsrúm leyfir.
Fjölskyldustundir á laugardögum eru notalegar samverustundir, gjarnan smiðjur, sem fara fram í menningarhúsunum í Kópavogi og eru styrktar af menningar- og mannlífsnefnd.
