Þríeykið Krullurnar þrjár samanstendur af Önyu Hrund Shaddock, Benedikt Gylfasyni og Kjalari Martinssyni Kollmar.
Þríeykið Krullurnar þrjár vinnur að gerð stuttskífu í sumar. Lögin eru með íslenskum textum og í diskó-fönk stíl í anda ABBA, Boney M, Bee Gees og Earth, Wind and Fire. Hópurinn sér um að semja, útsetja og taka upp plötuna. Íslenskt diskó snýr aftur!
Föstudaginn 5. júlí halda þau tónleika þar sem þau flytja nýja íslenska diskótónlist. Milli laga munu þau segja frá gerð laganna og innblæstri fyrir hvert og eitt lag. Á dagskránni verða stuðlög sem hægt er að dilla sér við sem og fallegar ástarballöður.
Verkefnið er hluti af Skapandi sumarstörfum í Kópavogi í ár þar sem þau vinna að diskó-stuttskífu.
Frítt inn!
