Fjölbreytt söngtónlist eftir Richard Wagner.
Frönsk ljóð, Wesendonck Lieder og aríur.
Á tónleikunum verður boðið upp á tímaferðalag um tónsmíðar Richards Wagner þar sem byrjað er á hans fyrri verkum og síðan þræddir leyndir stígar lita og tónmáls í tímaröð.
Wagner var maður leikhúss og tónlistar, og hann hafði þá hugsjón að sameina texta, tónlist, sjónlistir og heimspeki í eitt heildstætt listform (Gesamtkunstwerk). Mörg verka hans eru innblásin af goðafræði, ekki síst norrænni goðafræði, með fornum hetjum og ævintýraheimum.
Á þessu tímaferðalagi kynnumst við ástum, vonum, gleði, sorgum og dauða nokkurra kvenna á 19. öldinni.
Á fyrri hluta efnisskrárinnar eru þrjú frönsk ljóð (1839) frá fyrri hluta ferils Wagners sem bera með sér andblæ léttleika og æsku ásamt aríum úr Lohengrin og Tannhäuser. Síðari hlutinn hefur að geyma Wesendonk-ljóðin, sem eru eftir Mathilde, eiginkonu Ottos Wesendonck, velgjörðarmanns Wagners. Að lokum er svo arían Mild und leise úr óperunni Tristan og Isold. Tónlistin við Wesendonck-ljóðin var samin 1877-8 og var öðrum þræði eins konar formáli eða forstúdía að óperunni Tristan og Ísold.
Ef keyptir eru miðar á alla tónleikana fæst 50% afsláttur af miðaverði
