Safnanótt hefur svo sannarlega styrkt sig í sessi á undanförnum árum og eru „fastagestir“ Safnanætur ánægjuleg staðfesting þeirrar þróunar. Sumir fastagestanna koma sérstaklega til að taka þátt í föstum liðum svo sem rat- og spurningaleikjum, meðan öðrum finnst þetta einfaldlega vera orðinn fastur liður í tilverunni. Það er sérlega ánægjulegt að upplifa þetta í spjalli við gestina og styrkir okkur í þeirri trú að við séum að gera eitthvað rétt.
Safnanótt heppnaðist sérlega vel í ár hér í Safnahúsinu og hafa gestir aldrei verið fleiri, en alls komu um 900 manns í húsið á þessum fimm klukkustundum.
Starfsfólk Náttúrufræðistofu Kópavogs þakkar kærlega fyrir sig og horfir með tilhlökkun til næstu Vetrarhátíðar.
